فكره تطبيق YourFreedom
تطبيق YourFreedom هو أفضل تطبيق موجود الأن لتشغيل أنترنت مجانى بدون أى رسوم (بدون رصيد ) وخلى بالك الخط لازم يكون من غير رصيد للضمان هو ممكن يخصم فلوس وممكن لا بس خليك فى المضمون .
انا بقى مش هشرح كيفيه عمل البرنامج ولا كل الكلام ده أنا هقلك اللى انت هتحتاجه عشان متوهش على الفاضى هديك الخلاصه من الأخر .
شرح أزاى البرنامج بيجيب نت والسيرفرات والبروتوكولات مش هتستفيد بيها فى حاجه علشان كدا هنشرح أزاى نجيب بيه نت مجانى وهو ده المفيد .
أنا هشرحلكم الطريقه بالكتابه وبعدين عاملكم فيديو فيه كل حاجه بس عشان اللى ميفهمش من الكتابه يفهم من الفيديو وبعد الموضوع ده بأذن الله مش هتحتاج لأى شرح فيه تانى انت هتعتمد على نفسك وهيبقى معاك نت طول العمر عشان يورفريدوم شغال بقاله سنين وثابت موقفش .
أولا
اللى هنحتاجه بأذن الله تطبيقين التطبيق الاول تطبيق يورفريدوم وده تقدر تحمله من جوجل بلاى علطول او من الرابط اللى هسيبهولك تحت .التطبيق التانى تطبيق بينسخ التطبيقات يعنى بتقدر تشغل بيه نفس التطبيق اكثر من مره وده اسمه App Cloner .
الطريقه اللى هنتبعها
هنثبت برنامج يورفريدوم الاصلى ومش هنعمل بيه اى حاجه تانيه ولا هنفتحه اساسا .وبعدين هنثبت برنامج App Cloner النسخه المدفوعه اللى هسيبهالكم فى التحميل .
بدايه الطريقه
هنفتح برنامج App Clonerوندور على تطبيق Your Freedom ونضغط على ايقونته وبعدين هيفتحلنا صفحته وفيها خيارات
الخيارات اللى هنغير فيها :
1- name :
هنكتب اسم غير اسم يورفريدوم (اى اسم انت عاوزه )2-Clone Number :
هتغير رقم واحد باى رقم (وخلى بالك اى نسخه تيجى تعملها تانى يبقى ليها رقم مختلف )3-Change icon color :
ودى مش مهمه اوى بس عشان تعرف تفرق بين النسخ اللى هتعملها .4-ِِ Add badge :
برضوا دى بتفرق بين التطبيقات بس بيعملك رقم فى دائره .5- Privacy Options :
ودى اهم خطوه واللى بتشغل التطبيق اساسا . نفتحها ونيجى عند Change Android ID ونفتحها ونعلم على العلمتين صح ونضغط موافق .وبعدين نخرج هنلاقى علامه صح على شمال الشاشه نضغط عليها وكدا هيظهر امامنا عمليه الاستنساخ نصبر ثوانى ويظهر قائمه تختار منها Install App وتثبت التطبيق عادى كدا .
تمام كدا التطبيق اتثبت هنفتحه وبعدين نوافق على الوصول اللى هيدهولنا يعنى اعمل اوك على كله .
بعد منخلص التطبيق هيشتغل هندخل على الاعدادات ونختار منها Backup/Restore وبعدين تدور على الكونفجات اللى انا هسيبهالك هتلاقى لها رابط تحميل مع باقيه البرامج .
تشوف انت حملتها فين وهى غالبا هتكون فى ملف Download وتختار اى كونفج كلهم شغالين ولو لقيته مش شغال تجيب غيره بنفس الطريقه وتختاره وتعمل Load وهيجيلك رساله انه اتحمل.
وبعدين تضغط ظهر لحد مترجع لصفحه بدايه البرنامج وتعمل اتصال هيتصل معاك بس فى بيانات الاكونت هتلاقيه un register هو كدا شغال نت بس بطىء اوى هنعمل ايه بقى عشان نسرعه اقولك يا عمنا .
هنضغط على اعدادات وبعدين معلومات الحساب ونضغط انشاء حساب هتكتب اسم المستخدم وبعدين الباسورد وبعدين الايميل (اكتب اى حروف بس لازم بعدهم gmail.com@ لازم اوعى تنسى )
وبعدين تعلم على الثلاثه مربعات صح وتنزل تحت للاخر وتعمل Creat account
خلى بالك هو هيبقى بطى معاك استحمل شويه لحد متعمل اوا اكونت بس .
وبعدين تدخل اسم الاكونت والباسورد اللى انت لسه عامله وترجع لصفحه البدايه تعمل ايقاف وبعدين اتصال تانى .
هتلاقى معلومات الاكونت بقت freedom
بس بقى يا سيدى الفكره ان البرنامج بيديلك على الاكونت ساعه هديه مجانيه اسمها total freedom
بس لازم يكون عدى على الاكونت من 3 ساعات الى 6 ساعات يعنى مينفعش تكون لسه عامل الاكونت وتاخدها يعنى حضرتك لازم تستنى الوقت ده .
بعد الوقت ناخد الساعه ازاى ؟ اقول لحضرتك هتعمل اتصال وتروح الى الاعدادات وبعدين تضغط على متجر وبعدين تقلب صفحتين مش هيظهر كلام ولا اى بيانات تعمل ظهر (رجوع) وبعدين تدخل عليه تانى وتستنى ثوانى وتقلب لاخر صفحه اوتتكى على تالت نقطه فوق هتلاقى 3 كلمات باسم فى تختار اول واحده على اليمين هيقلك you total freedom Granted وكدا مبروك عليك الساعه الفرى بسرعه غير محدوده تصل الى 5 ميجا واكثر او اقل (والله فعلا بتوصل لكدا بس حسب الشبكه عندك او المنطقه)\
طيب هتقلى بس دى ساعه واحده هقلك اصبر عليا بقى . وتابعنى
ازاى نشغل اكثر من ساعه عدد الساعات لو طول اليوم حتى
انت لما تشغل الساعه دى بالاكونت اللى انت عملته هتعمل ايه بقى هتستنسخ تطبيق جديد تمام وتفتحه من غير متعمل اتصال ولا تحمل كونفج له ولا اى حاجه وتعمل اكونتات على اد متقدر وحاول تعملها بالتسلسل مثلا (الاول ahmed1 والثانى ahmed 2 ) وكلهم بباسورد واحد عشان متوجعش دماغك على اد متقدر اعمل . ولو عرفت تتصل وايفاى وانت بتعمل الاكونتات يبقى احسن يعنى تروح اى كافيه وتروح عمله 30 او 40 اكونت يبقى عسل اوى وهينجز معاك الاكونت مش بياخد 15 ثانيه .
ولما تيجى تشغلهم كل اكونت تستنسخ ليه تطبيق وتحمل له الكونفج من جديد وتكتب الاكونت اللى عليه الدور وتعمل اتصال وتفعل الساعه الفرى .
خلى بالك انت هتحس ان الموضوع صعب بس لما تفهم الفكره مش هتاخد معاك دقيقه لكل اكونت ويبقى معاك نت علطول بسرعه رهيبه والتطبيق ده الوحيد اللى بيشغل كل حاجه يعنى يوتيوب شغال فل واتس فيس ماسنجر جوجل بلاى كله تمام .
والافجر بقى شغال طلقه مع برامج بث المباريات واتفرج على محمد صلاح وعيش (علفكره ماتش الليفر والارسنال شغال والليفر غالب 5-1) ههههههههه.
كدا كله تمام متهيالى ولو نسيت حاجه متخافش فى فيديو شارح كل حاجه بالتفصيل
شويه نصائح
1- لو جيت تعمل اتصال ومرضيش يتصل اقفل البرنامج وافتحه تانى او اقفل بيانات الهاتف وافتحها .2- لو مرضيش يديك الساعه الفرى وغلبك يبقى تستنى شويه وتجرب او تمسح البرنامج وتستنسخ غيره .
3- لو لقيت النت بطىء وانت متأكد ان الشبكه عندك حلوه يبقى تختار كونفج تانى .
4- لو انت خدت الساعه الفرى وكنت شغال نت كويس وفجأه وقف النت افصل البيانات وشغلها تانى او اعمل قطع الأتصال وبعدين أتصال .
5- لو عملت اتصال ومجبش معلومات السيرفر اعمل قطع الأتصال وشغله تانى .
6- البرنامج ده حاليا شغال عليه فودافون واتصالات بس سريع جدا فى فودافون وفى اتصالات زى الزفت فمتوجعش دماغك وخليك فى فودافون .
7- لو غيرت الكونفج وبرضوا النت بطى غير السيرفر ودى هشرحهالك فى الفيديو .
8- لو عملت اتصال وجيت تاخد الساعه الفرى وكتبلك your freedom not conect اصبر شويه او اقفل البيانات وافتحها او اعمل قطع الاتصال واتصل من جديد .
ملحوظه نسيت اقلها فى الفيديو الاكونت الواحد بيشتغل اكتر من مره وراء بعض يعنى تاخد بيه 3 ساعات وراء بعض بشرط متخليش بين كل ساعه والتانيه يعدى وقت كبير
ثانيا الفيديو الكامل بأذن الله
التحميل
تحميل YourFreedom من جوجل بلاى
تحميل YourFreedom رابط مباشر
تحميل APP cloner
تحميل برنامج مكرك لصنع الاكونتات فقط
الكونفجات
برنامج wrar لفك ضغط الكونفجات
كل شويه يقولي لقد تم تجاوز الاتصال حتي لم بعمل حساب جديد
ردحذف